Tag Archive for Filipino Pastoral Ministry

Kuratsa Photos from Greenwich Village, NYC

Below are pictures taken during Fr. Lagrimas' Despedida party that was hosted by the Filipino Pastoral Ministry-Our Lady of Pompeii Church. Featured is the Philippine folk dance from the south called kuratsa.

Photos courtesy of Gigi Gonzales. For a post featuring the dance, click here.    

Hardin ni Monsignor Romy

Kay hirap paniwalaan na sa gitna ng siyudad na tinaguriang kapitolyo ng mundo, sa isang likod-simbahan ay may munting hardin na hitik sa bunga ng mga gulay na tunay namang nakakagiliw. Sino ba ang hindi mapapangiti sa mga luntiang dahon at naglalakihang ampalaya, mabibilog at makinis na kamatis, malalagong talbos ng kamote, mangilangngilang mapupulamg sili, atbp...?  Ang nagpasimula ng hardin ay si Monsignor Romy Montero, isa sa mga kura paroko ng Our Lady of Pompeii Church sa Greenwich Village.  Sa mahigit na anim taon na nyang pamamalagi sa Lungsod ng New York  ay talaga namang giliw na giliw at nangungulila pa rin sya sa mga gulay na nakalakhan na nya sa Pilipinas. Noong nakaraang Miyerkules, matapos ang lingguhang  Novena Mass para sa Ating Ina ng Laging Saklolo ay napagkatuwaan naming mga miyembro at tagapagtaguyod ng Filipino Pastoral Ministry (FPM) magkuhanan ng larawan sa kanyang hardin.  Matapos ang katuwaan ay ang inaantabayanang kainan na ang pinagsaluhan ay ang mga bunga ng kanyang pinaghirapan.  Kapareho ng mga gulay, masarap at sariwa ang mga ala-ala ng Pilipinas na bumabalik sa aking isipan. Salamat, Monsignor Romy! Salamat sa pagkakataong magkasama-sama ang mga Pilipino, mula sa mga munting salu-salo pagkaraan ng mga pagpupulong mula sa ating Lingguhang Novena at Misa.  Mula sa Eukaristiyang pagkain ng aming kaluluwa hanggang sa mga gulay na pagkain ng aming katawan, tunay kang aming tagapagtaguyod-- ang aming pastol.